"Hindi naman 'yan importante, diba?" Saglit na tiningnan ni Ye Xiu ang chat window na nasa screen ni Wei Chen. Mukhang malaki-laki nga ang halaga ni Wei Chen para kay Three Realms Six Paths, dahil sinabi niya kay Wei Chen na may plano siyang gumawa ng ika-limang grupo ng mga pangunahing manlalaro sa Samsara para mamuno.
"Hindi naman sa sinasabi ko na importante ito, pero ramdam ko lang na masyadong maaga pa para maging isa ako sa mga pangunahing pinuno ng Samsara sa abilidad na ipinapakita ko sa kanila." Sabi ni Wei Chen.
"Talaga ba? Sa ika-limang pangunahing grupo... ang isang grupo ay kadalasang mayroong isang-daang manlalaro. Kapag lumahok sa labanan para sa mga wild BOSS ang isang guild ay kadalasang nagdadala ng dalawang grupo, o hindi kaya'y tatlo o apat..."
