Hindi lamang si Tao Xuan ang nakaupo sa lugar na tinititigan ni Ye Xiu. Katabi ni Tao Xuan ay ang direktor ng Club Excellent Era na si Cui Li.
Malinaw na sa titulo pa lang ng dalawang tao na ito ay matataas ang mga ranggo nila sa loob ng Excellent Era. Nagulat si Ye Xiu na makita silang dalawa rito, dahil ang araw na ito ay isa sa mga araw na kung saan mayroong laban ang Excellent Era.
Idagdag pa na ang labanan sa araw na ito ang magpapasiya kung makakapagpapatuloy nga ba ang Excellent Era sa kanilang laban para sa playoffs o babagsak sila. Pero dahil nandirito ang dalawang ito'y malinaw na hindi sila pumunta sa labanan para suportahan ang kanilang koponan.
Matapos lamang ng ilang mga sandali matapos ang laban ng kanilang Team ay nandito na kaagad sila para magsalo-salo, talagang isang kakaibang pangyayari ito para kay Ye Xiu.
