Halos tatlumpung taon na ring namamalagi si Chen Guo sa Happy Internet Cafe, at dahil diyan ay masyadong pamilyar na siya sa paligid nito. Gayunpaman, kahit na halos pitong taon ang iginugol ni Ye Xiu sa parte ng siyudad na ito ay hindi pa rin siya masyadong pamilyar sa lugar dahil madalang lang naman kasi siyang lumabas.
Pero syempre, sa kalagitnaan ng pitong taon na 'yun ay mayroon pa rin naman siyang nalalaman sa lugar, at saka. Alam rin ni Ye Xiu ang tungkol sa lokalidad ng Forest Park.
Matatawag na isang lugar para sa mga may kaya sa buhay ang mga Forest Park, halos lahat ng mga mayroong bahay sa parteng ito ng siyudad ay maituturing na mga mayayaman. Marami-rami rin sa mga manlalaro ng Club Excellent Era ang nakatira dito.
Sa isang iglap lamang ay nagbago na ang lahat, hindi na nababakas ni Ye Xiu ang mga nakaraan batay sa kaniyang nakikita sa kasalukuyan, dahil dito'y hindi niya mapigilang mapabuntong hininga.
