Ginawa niya ang lahat ng ito para mahanap lamang ang isang Cleric!
Ngayon pa lamang nalaman ni Chen Guo ang dahilan kung bakit pinasok ni Ye Xiu ang Tyrannical Ambition. Matapos marinig ang usapan ng dalawang mala-Diyos na manlalaro, ngayon ay alam na niya kung ano ang koneksyon ng isang bagay sa lahat.
Gayunpaman, ang isyung itinaas ni Zhang Jiale kanina ay isang malaking problema nga. Ito'y dahil papaano naman kasi nila mahahatak ang isang manlalarong hindi pa nga nila nakikilala para pumasok sa kanilang grupo?
Habang pinag-iisipan ni Chen Guo ang kung papaano reresolbahina ng isyung ito ay namalayan niya na tinititigan na pala siya ni Ye Xiu.
"Anong tinitingin-tingin mo diyan?" Tinanong ni Chen Guo si Ye Xiu.
"Ikaw na ang bahala tungkol doon." Sabi ni Ye Xiu.
"Tungkol saan?" Sumagot naman si Chen Guo.
"Tungkol sa kung papaano natin hahatakin ang Cleric na iyon sa atin." Sabi ni Ye Xiu.
