"Ginagamit niya ang Crusader's Trial kasabay ang Maelstrom Counterattack!" Napahinga ng malalim ang mga Knight. Sa totoo lang ay hindi naman talaga nito nilalabag ang mga patakarang inilatag mismo ng laro na kailangang sundin ng bawat manlalaro, pero masyadong mahirap lang talaga itong gawin.
Ang Crusader's Trial ay isang Level 70 na skill, kaya tama lang na mas mahirap itong maintindihan o mapagana kaysa sa ibang skill.
Para magamit ang Crusader's Trial kasabay ang Maelstrom Counterattack, kinakailangang may mga masyadong mabibilis na kamay ang isang manlalaro para maisagawa iyon. Ito'y isang bagay na hindi basta-bastang magagawa ng kahit na sinong manlalaro.
Pero ngayon ay isinasagawa ni Unrivaled Super Hottie ang isang galawang ni sa kanilang isip ay hindi nila mahinuha na maari palang maisagawa.
