Walang tigil sa pagpapakawala ng atake ang dalawang mala-Diyos na manlalaro habang kaharap nila ang isa't-isa. Idagdag pa na ginagawa nila ang lahat ng ito habang kaswal na kinakausap ang isa't-isa na para bang walang nangyayaring labanan.
Paminsan-minsan ay sumisigaw si Unrivaled Super Hottie para hingiin ang tulong ng mga kasamahan niyang Cleric na nagiging dahilan kung bakit parang hindi nagiging patas ang labanang ito sa pagitan nilang dalawa ni Dazzling Spring.
"Halina kayo't tulungan niyo ako dito!"
Isang hindi inaasahang sigaw ang maririnig sa kampo ng Tyrannical Ambition.
Masyadong mabilisan at deretsahan ang istilo ng pakikipaglaban ng dalawa sa isa't-isa, ang labanan rin ng bawat guild para sa wild BOSS ay nagsisimula nang uminit. Bawat segundo ay may manlalarong namamatay, at sa pagitan ng Provoke ay pinagpapasa-pasahan ng tatlong guild ang BOSS.
