Kitang-kita ng mga manlalarong nanonood sa isang tabi ang eksenang ito sa harapan nila, pero hindi lahat sila ang nakaintindi sa kung ano ang nangyari bukod sa mga manlalarong inatasang tumulong kay Unrivaled Super Hottie.
Malinaw na kasali sa isang grupo si Unrivaled Super Hottie. Ito'y dahil sa ang kasama niya dito kanina ay ang Tyrannical Ambition. Kahit na hindi pa naman siya isang opisyal na miyembro ng guild ay kasali pa rin siya sa isa sa kanilang mga grupo.
Sa mga panahong nilamon siya ng mga atake ni Dazzling Spring ay nakatanggap ng isang mensahe ang mga Cleric ng grupong sinalihan niya.
Isang kataga lamang ang nasa loob ng mensaheng 'yun na nagsasabing: Revive
Kasunod ng salitang ito ay isang detalyadong impormasyon tungkol sa kaniyang kinaroroonan.
