Matapos tamaan ng Heroic Leap habang nasa hangin ay bumagsak na parang isang bulalakaw sa lupa si Dazzling Leap. Naramdaman ni Blade Master Lan Rui ang paparating na manlalaro at kaagad niyang itinuro ang espada niya sa manlalarong iyon.
Matapos makita ang eksenang ito ay naalala ng lahat na naging ganito ang kamatayang tinamasa ng Knight kanina, malamang ay kapag natamaan ang Spitfire na mas mahina pa sa isang Knight ay paniguradong magiging bangkay siya sa isang iglap lamang.
Pero sinong nag-akala sa kanilang lahat na magpapaputok ng dalawang beses ang Spitfire habang siya ay nasa hangin?
Habang umaalingawngaw ang putok ng kaniyang baril ay nag-iba ang direksyong tinatahak ng papabagsak ng bulalakaw. Sa mga panahong tumama ang bulalakaw na iyon sa lupa ay gumulong ang Spitfire papalayo, at matagumpay niyang nailagan ang atake ni Lan Rui.
Sino ba 'tong dalawang 'to?!
Halos mawala sa sarili nilang katinuan ang mga manlalarong nanonood sa isang tabi.
