Ang Mist Earth City ang siyudad na pinakamalapit sa Tomb in the Sky. Bilang isang Level 70 na siyudad, napupuno ng ingay ang siyudad na ito.
Kahit na masyadong malawak ang kalupaan ng Heavenly Domain, hindi pa rin nito nailalagay ang lahat ng mga manlalaro nang hindi napupuno ang isang lugar. Iyan ang dahilan kung bakit na sa kahit saang siyudad ka magpunta ay punong-puno ito ng mga manlalaro.
Kung kailangan lang sana ng lugar na matutulugan ang bawat karakter ng mga manlalaro ay mahirap sabihin para sa kahit na sino kung makakaya bang tumira sa iisang siyudad lamang ang ganito karaming manlalaro.
Sa mga sandaling napasok ni Ye Xiu ang siyudad na ito ay nagulat siya sa dami ng mga manlalarong may pamilyar na pangalan ng guild na lumulutang sa ulo nila. Mabuti na lamang ay gamit-gamit niya si Unrivaled Super Hottie imbis na si Lord Grim, kundi ay paniguradong magkakagulo dito.
