Para sa kanilang lahat ay parang minamaliit ni Unrivaled Super Hottie ang dungeon na sinusubukan nilang matapos ngayon kasama ang halos isang-daan nilang kasamahan.
Sa totoo lang ay dapat naman sanang purihin si Unrivaled Super Hottie dahil sa nagawa niyang panghahatak sa apat na estatwa, pero imbis na matuwa ay hindi naging maganda ang pakiramdam nila. Iyan ang dahilan kung bakit masyadong mahirap ang maging isang Tank.
Ang apat na estatwa ito ay may pare-parehong class. Silang lahat ay mga Blade Master. Ang tanging kaibahan lang nila sa mga manlalarong Blade Master ay imbis na mga patalim ang kanilang gamitin sa pakikipaglaban, mga batong hinulma sa hitsura ng mga patalim ang kanilang gamit-gamit.
Masyadong nagkukulang ang apat na estatwa na ito't talagang hindi nila lubusang nasusunod ang mga pamamaraang gamit-gamit ng mga manlalarong Blade Master.
