Isang matapat na tao si Clove, kaya sinabi niya ang lahat ng nangyari sa pagitan nina Crispy Bean at Unrivaled Super Hottie kay Exterminate the Heavens na walang labis at walang kulang.
Talagang hindi naintindihan ni Clove ang hinanakit na naranasan ni Crispy Bean, pero naiintindihan ito ni Exterminate the Heavens.
Pero kahit na naiintindihan niya ay ano pa ba ang magagawa niya?
Malinaw na nakasalalay sa isyung ito ang dignidad ng dalawang kampo't hindi ito isang bagay na mareresolba lang ng maayos sa loob ng maikling panahon. Ito'y dahil sa wala namang nagawang masama si Unrivaled Super Hottie. At saka kung may nagawa man siyang mali ay ano naman?
Pipilitin niya si Unrivaled Super Hottie na humingi ng paumanhin kay Crispy Bean?
Ito'y isang laro lamang. Pero kahit na iyan ang katotohanan ay importante pa rin para sa kahit na sinong tao ang dignidad at respeto. Dahil wala naman siyang nagawang mali, bakit siya naman siya magpapaumanhin?
