Ang Provoke ay maituturing na isang Crowd Control na skill. Nakakapaglapat ng malaki-laking aggro ang epekto ng skill na ito kapag nailapat ng tama sa isang halimaw. Kapag naakit ng manlalaro ang atensyon ng halimaw ay hindi na malayang makakagalaw ang halimaw na iyon.
Tanging ang karakter lamang na pasimuno ng Provoke ang maaring atakihin ng partikular na halimaw na iyon sa loob ng tatlong segundo. Pero sa kaso ni Unrivaled Super Hottie.
Dahil ginamit niya ang Provoke kasabay ng Knight's Spirit, naging Glorious Provocation ang kaniyang Provoke na naglalapat ng mas malaking aggro at imbis na tatlong segundo ay tumatagal na ng limang segundo ang epekto nito.
Maraming NPC o mga halimaw sa mundo ng Glory na mayroong resistensya sa Provoke. Pero malinaw na hindi kasama si Bone Dragon Aldton sa mga halimaw na iyon. Pagkatapos malapatan ng Provoke ni Unrivaled Super Hottie, napunta kay Unrivaled Super Hottie ang aggro ng BOSS imbis na sa ibang mga kasamahan niya.
