"Tinakot mo ko, ah!" Ang boses na lumabas mula sa karakter ni Lord Grim ay hindi inaasahang boses ng isang babae na para bang nagrereklamo sa isang tao na katabi niya lamang.
Hindi inakala ni Chen Guo na sa mga sandaling makapasok na sa laro si Lord Grim ay mapupuno ng nakakabulag na liwanag ang kabuuan ng kaniyang screen. Lubusang napalibutan ng liwanag mula sa Satellite Beam ang katawan ni Lord Grim.
Dahil sa nakakabulag na liwanag na iyon ay walang nakapansin na bumalik na pala si Lord Grim sa laro, at dahil panandaliang hindi nalalapatan ng kahit na anong pinsala ang isang manlalaro kapag kakabalik lang nila sa laro ay hindi nagtamo ng pinsala si Lord Grim mula sa Satellite Beam.
Ang dahilan kung bakit kinalat ni Lord Grim ang liwanag ng Satellite Beam ay para pwersahang paalisin ang mga manlalarong nasa paligid, at para sa mga sandaling nakabalik na si Lord Grim sa laro ay walang kahit na sinong magiging sagabal sa kaniyang daraanan.
