Malinis pa rin naman ang pangalan ng Blue Brook Guild, at mas dumami ang humanga sa Samsara. Sa dalawang guild ay mas naging maganda ang kinahantungan ng Samsara.
Dahil sa ipinamalas na kadakilaan at galing ng Samsara ay mas lalong naging maganda ang tingin ng ibang mga manlalaro at sa mismong Club sa likod ng Samsara. Pero sa mga sandaling ito ay hindi inaasahan ng lahat na biglang may magiging kritiko sa lahat ng mga ginawa ng Samsara.
Ang paksang ipinanukala ng manlalarong iyon ay ang: "Sinong nagbigay sa inyo ng kapangyarihan na angkinin ang BOSS?"
Tinuligsa ng manlalarong iyon ang mapangahas na pag-angking ginawa ng walong guild at sa kompetisyon sa pagitan nilang dalawa. Ang katwiran niya ay hindi naging maganda ang ginawa nila dahil sa hindi naman talaga sa kanila lamang ang mga BOSS ng Glory.
