Pagkatapos makita ang listahan ng mga materyales ay sa wakas, naintindihan na ni Changing Spring kung bakit sumuko si Blue River kay Lord Grim sa ika-sampung server.
Siya nga ay isang tunay na mala-Diyos na manlalaro. Sa isang iglap lang ay nakalap niya ang kahinaan nilang lahat. Kahit na ang listahan ng mga materyales na ibinigay ni Ye Xiu sa kanila ay hindi naman talaga imposible para sa kanilang dalawa, mahihirapan pa rin silang sundin ito.
Napabuntong hininga si Changing Spring, at ibinaling niya ang kaniyang tingin kay Three Worlds bago siya nagsalita: "Guild Leader ng Samsara, ano sa tingin mo?"
"Walang problema." Kalmadong sagot ni Three Worlds.
Napabuntong hininga na lamang si Changing Spring. Alam niya na kahit masakit sa kalooban niya ang lahat ng ito ay wala talaga siyang magagawa kundi ang sumunod na lamang.
