Sa mga sandaling narinig nila Loulan Slash ang mga katagang binitawan ni Ye Xiu ay hindi nila mapigilang magdalawang-isip sa kung ano ang dapat nilang gawin. Ito'y dahil sa nakita nilang lahat ang tunggaliang nangyari sa pagitan nina Ye Xiu at Sun Xiang, at inakala nila na kasama ang mga katagang binitawan ni Ye Xiu para hamakin si Sun Xiang.
Pero bakit sa tono pa lamang ng pananalita ni Ye Xiu ay parang sinasabi niya ang katotohanan. Talaga bang naisip niya na kaya nilang talunin ang mga pangunahing manlalaro ng isang propesyonal na grupo gamit lamang ang sarili nilang lakas sa ngayon?
Kahit na hindi naging maganda ang naipamalas ng Excellent Era sa Season na ito ng Pro Alliance, walang kahit na sino sa mga nakalaban nila ang nagmaliit sa kanila. Pero ngayon, hinamak silang lahat ng isang mala-Diyos na manlalaro't nakaraang Captain pa nila sa grupo.
"Hahaha, talagang..."
Bang, bang, bang!
Umalingawngaw ang sunod-sunod na putok ng baril.
