Glory!!!
Isang nag-iisa't higanteng kataga ang lumitaw sa higanteng telebisyon. Sa laki nito'y pinuno nito ang buong screen at para bang ito'y tatalon, at papasok sa isipan ng bawat manonood.
Lahat ng mga manonood, kasama na sina Ye Xiu at Chen Guo ay nakahinga na ng maluwag sa mga sandaling nakita nila na nagtapos na ang labanan.
Kahit na ang hinahangaan nila ay ang Excellent Era, at wala naman talaga silang pakialam sa Tiny Herb at Blue Rain, kahit na sino naman siguro ay mamamangha sa mahigpit at mainit-init na labanang naganap.
Nakalimutan ng mga manonood na kasalukuyang nasa kalagitnaan pa ng labanan ang paborito't hinahangaan nilang Excellent Era.
"Talagang nangyari nga ang sinabi mo." Sabi ni Chen Guo kay Ye Xiu habang pinapanood niya ang usapan sa pagita ng mga pinuno sa seremonya, honoraryong bisita at ng mga commentator.
