"Sino ang ibig mong sabihin?" Hindi naintindihan ni Chen Guo. Sa eSports, bawat propesyonal na manalalaro ay batang-bata pa, kaya kahit na sino sa kanila ay maaring maituring na mga bata. Para kay Chen Guo ay nagyayabang lamang si Ye Xiu dahil mas nakakatanda siya kaysa sa kanilang lahat.
Pero talagang hindi alam ni Chen Guo kung sino ang ibig sabihin ni Ye Xiu. Kung si Gao Yingjie ba o Yu Feng. Sa mga mata niya, ang ibig sabihin siguro ni Ye Xiu ay si Yu Feng dahil sa masyadong bata pa si Gao Yingjie para sabihing bata kung ikukumpara sa mga propesyonal na manlalaro ng eSports.
"Ang ibig kong sabihin ay ang kinabukasan ng Glory!" Umaasta pa rin si Ye Xiu na para bang ang sarili lamang niya ang kaniyang kinakausap.
"Ano bang pinagsasasabi mo?" Bumulong sa sarili si Chen Guo.
"Talagang mas lalong gumaganda ang ipinapamalas nitong Yu Feng na ito, ah." Sabi ni Ye Xiu.
