Hindi naging maganda ang pakiramdam ng mga Guild tungkol sa mga dungeon records. Ito'y dahil sa wala naman talaga silang magagawa para pigilan ang pinakamalakas nilang kalaban sa mga dungeon records na si Lord Grim.
Ramdam nila na kahit na ano pa ang kanilang gagawin ay ang pangalawang pwesto lamang ang maari nilang makuha. Malinaw na hindi sila matutuwa diyan, kaya ang nangyari ay nawalan na ng pakialam ang bawat guild tungkol sa dungeon records at kahit na sinong manlalaro na lamang ang isinali nila sa kanilang grupo para sa dungeon.
Pero dahil umalis si Thousand Creations sa Blue Brook Guild. Nagkaroon sila ng kakulangan sa mga manlalaro at nagkaroon ng bakante ang isang grupo na kung saan, tatlong manlalaro lamang ang kasama nila.
Malinaw na hindi ito maganda at bukod na sa kung wala na talaga silang mahahanap na ibang paraan ay hindi nila hahayaang magdusa silang tatlo sa loob ng dungeon.
