"Put*ngina mo, Blue River!" Biglang namalayan ni Plantago Seed ang dahilan kung bakit nagpapaikot-ikot lang si Blue River sa lugar na ito. Hinihintay niya pala ang tulong ng kaniyang mga kasamahan. At hindi lang iyan, ang tulong na nakuha niya'y sumusobra pa sa dapat niyang matanggap.
Walang magagawa si Plantago Seed sa kalabang makakaharap niya. Tanging minura na lamang niya si Blue River, at matapos ang ilang mga sandali ay hindi na niya mapagalaw ang kaniyang karakter. Sa isang tabi ay nakita niya na kasamang napalipad sa ere ang tatlo niyang mga kasamahan.
Ang dahilan ng lahat ng ito, ang dahilan kung bakit sila ay nasa ere ngayon ay dahil sa isang karakter na tinatawag na: "Lord Grim".
Sa mga sandaling ito ay tanging dalawang ideya lamang ang tumatakbo sa isipan ni Plantago Seed.
Una, ay kung gaano niya kinamumuhian si Blue River.
Pangalawa, kung papaano siya tatakas.
