Kahit na wala naman talagang nawala sa kanila ay ramdam pa rin nila kung gaano kahigpit ang kasalukuyan nilang sitwasyon.
Bawat pinuno ng mga malalaking guild ay nagsagawa ng pagpupulong kasama ang kanilang mga pangunahing manlalaro, sinabihan nila silang lahat na wala silang dapat na katakutan.
Kailangan nilang maghanap ng mga halimaw na mapapatay at magpalakas sa ilalim ng mga mabibigat, at masasakit na atake ni Lord Grim sa kanilang lahat. Kinailangan nilang magpursigi hanggang sa kamatayan ay dumating.
Kahit na pagod na pagod na sila't binalot ng kaba ang kanilang mga puso ay nakatuon lamang ang kanilang pansin sa resulta, ang tanging nasasabi na lamang nila sa kanilang sarili ay dapat na magpursigi, magpursigi, at magpursigi sila kahit na maraming balakid ang nakakaharap nila.
