"Wala na talaga kaming magagawa pa..." Nanghihinayang na sabi ni Tang Rou, "Sila lang ang mga nagawa naming habulin."
"Habulin?" Nakatuon ang pansin ni Ye Xiu sa labanang kinakaharap niya kaya wala masyado siyang nalalaman tungkol sa naging sitwasyon nila Tang Rou, Steamed Bun Invasion, at Concealed Light.
Pero alam niya na umaabot sa halos isang-dosenang manlalaro ang mga kalaban, sa dami nila ay bakit sila tumakbo't natakot na harapin silang tatlo?
"Hahaha, mabuti na lang ay matatalino rin pala sila." Malakas na tumawa si Steamed Bun Invasion.
Ang mga karakter nina Ye Xiu at Su Mucheng ay lumabas mula sa lawa. Sinundan silang dalawa ni Thousand Creations. Matapos marating ang dalampasigan ay tiningnan nila ang paligid. Doon nila nakita na mayroon pa palang ibang manlalaro na hindi pa talagang nakakatakas.
