"Ilag!"
Sumigaw si Tang Rou at gumulong sa kanan ang kaniyang Soft Mist. Si Steamed Bun Invasion naman ay kaagad ring umilag sa kaliwa at dalisay na nailagan ang atake.
"T*ngina!" Ang kanilang kasamahan na si Concealed Light ay napasigaw dahil tumilapon siya sa lupa matapos tamaan ng Collapsing Mountain. Ginusto niya sanang umilag, pero lubhang mas mabagal ang mga kamay niya kaysa sa kaniyang utak!
"Hahaha, ang bagal mo!" Tumawa ng malakas si Steamed Bun Invasion. Pero syempre, hindi lang niya hinamak si Concealed Light. Kaagad siyang lumapit para matulungan siya, at ang ginamit niyang paraan ay ang pag-atake sa Berserker gamit ang isang Strangle.
Hindi rin naman naging mabagal ang Berserker at tumalon siya sa likod para mailagan ang atake, pero sa isang pambihirang pagkakataon ay dumapo ang kaniyang mga paa sa Attack Range ni Soft Mist.
