Sa wakas ay inanunsyo na ng namumuno sa seremonya ang huling maswerteng manonood at napabuntong hininga na lamang ang ibang mga manonood na hindi napili. Marami sa kanila ang gusto ring makaakyat sa entablado at makasali.
Pero sa kasamaang-palad ay iilan lang sa kanila ang pipiliin.
Si Chen Guo ay isa sa mga manonood na nakaramdam ng panghihinayang.
Pero matapos lamang ng ilang mga sandali ng panghihinayang ay hinugot ni Chen Guo ang kaniyang mga binoculars para mapanood ang laro.
"Ah!" Biglang napasigaw sa gulat si Chen Guo.
"Anong nangyayari sayo?" Sina Ye Xiu at Tang Rou ay nagtanong.
"Bumili rin ng binoculars si Su Mucheng." Lubhang nasabik si Chen Guo sa ideyang bumili ng parehong kagamitan ang taong kaniyang iniidolo.
"Talaga? Patingin nga!" Kaagad na sabi ni Ye Xiu.
"Sige, tingnan mo!" Ibinigay ni Chen Guo ang binoculars kay Ye Xiu, "Nandoon siya."
