Ang mga naunang umaalingawngaw na palakpakan ay dahan-dahang nawala hanggang sa binalot ng katahimikan ang buong paligid.
Ang mga manonood na kani-kanina lang ay halos tumalon na sa tuwa para kay Sun Xiang ay natigilan at nakaramdam ng matinding kahihiyan.
At ang mga manonood naman na naawa sa kahihinatnan nin Han Wenqing ay biglang nabuhayan at natulala't dahil hindi nila alam kung ano ang gagawin nila sa biglaang pagbabago sa kasalukuyang sitwasyong ito.
Kahit na ang namumuno sa seremonya ay tahimik na nagbunyi sa sarili niya pagkatapos ng ilang mga sandali na natigilan siya dahil sa pagkabigla. Muntik na nga siyang magkamali sa paganunsyo sa kung sino ang nanalo sa labanang ito.
Ang katahimikang bumalot sa buong entablado't paligid ay nagtagal ng ilang segundo, hangga't sa nakabalik na sa kanilang sarili ang mga manonood at doon na sumabog ang hiyawan at palakpakan nilang lahat.
