Panandaliang napuno nang ingay ang lugar kung saan idinaos ang All Star. At bilang pangunahing tagapangasiwa, kapuna-punang ibinigay ng Club Samsara ang kanilang buong makakaya matapos na maisumite ang mga kinakailangan ng Alliance. Sa brochure, ay may kani-kaniyang pahina ang napiling 24 na manlalaro para sa All-Star. Laman ng bawat pahina ang larawan, impormasyon ukol sa mga manlalaro, panimula at ang guhit-kamay na larawan ng mga manlalaro na nagpapakita ng karakter ng makapangyarihang Glory. Lubos na maayos ang produksiyon.
Sinu-sino ang 24 na napiling mga manlalaro? Ang taga-hangang gaya ni Chen Guo, ay alam na ang sagot dito bago pa man magsimula ang lahat.
At ngayon, hawak niya ang brochure. Habang binubuklat niya ito ay lalo siyang nasasabik, lalo na nang marating niya ang pahina ni Su Mucheng. Labis ang kaniyang pagkahalina dahilan upang makalimutan na niya ang gumalaw.
