Sa katapusan ng Christmas Event ay napuno ang chat ng mga manlalarong nagyayabang ukol sa kanilang mga nakuhang gantimpala sa kalagitnaan ng Event. Matapos ang halos ilang oras na ingay ay dahan-dahan rin namang tumahimik ang lahat.
Sa mga sandaling nakatanggap ang bawat manlalaro na tapos na ang Event, ang karamihan sa kanila ay ipinagpalit na ang kanilang mga gantimpala kay Santa bago umalis at nagpahinga.
Bukod sa mga gantimpalang nahuhulog sa mga halimaw ay ang pinakamalaking gantimpalang natanggap ng lahat ay ang gantimpalang ibinibigay ayon sa puntos na nakuha ng isang manlalaro sa buong itinagal ng Event.
Sa mga sandaling natanggap ni Tang Rou ang huling regalo niya para sa pasko ay kaagad niya itong binuksan. Sa isang kurap ng malakas na liwanag ay nakatanggap siya ng isang malaking tipak ng Experience at kaagad na umangat sa Level 38 si Soft Mist.
