Hindi lang si Blue River ang nagpadala ng mensahe sa kaniya. Si Cold Night, Plantago Seed, si Hazy Mist ng Misty Castle at ang mga representante ng ilang mga guild ay nagtanong rin na para bang hindi sila naapektuhan sa ginawang pagtipon ni Lord Grim sa mga halimaw kanina.
"Depende."
"Diyos! Kung gagawin mo ulit iyon ay wala namang magandang maidudulot iyon sa ating dalawa!"
Sumagot si Blue River, may iniwan siyang mga manlalaro sa ilalim ng orasan na tore kaya nakita niya na tatlong manlalaro lang ang nasa grupo ni Lord Grim.
Dahil sa kakulangan nila ng mga manlalarong maaring tumulong sa kanila ay marami-rami ring gantimpala ang hindi nila nagawang pulutin. Nung makita iyon ni Blue River ay hindi niya mapigilang makaramdam ng pighati.
Masyadong mabigat at naging masakit ang pinsalang nailapat ng ginawa ni Lord Grim kanina kaya wala silang nagawa kundi ang tanungin siya kung muli ba niyang gagawin iyon.
Makipagtulungan kay Lord Grim?
