Ang pinsalang nailalapat sa pagbagsak mula sa tore ay mas mataas pa sa pinsalang nailalapat ng mga manlalaro. Kung ang isang manlalaro ay nahulog mula sa tuktok ng tore ay paniguradong mamamatay siya kaagad.
Nung dumapo sa tainga ng mga manlalaro ang nagdurusang iyakan at sigawan ng mga Christmas Thieves ay hindi nila mapigilang manginig sa panghihinayang at takot...
Hindi naman siguro sila mamamatay pag nahulog sila, hindi ba? Kung mangyari nga iyon ay parang masyadong madali lang para kay Lord Grim na matapos ang lahat.
Sa mga sandaling napaisip silang lahat ay nakakita sila ng isang maliwanag na tore ng liwanag na bumagsak mula sa tuktok ng orasan na tore papunta sa lupa. Iyon ay isang Laser Rifle mula sa Cleansing Mist ni Su Mucheng.
Napakapambihira tingnan ang makulay na tore ng liwanag at ang pagsabog nito sa lupa. Pero kahit na maganda itong tingnan ay hindi naman naging maganda ang pinsalang nailapat nito sa mga kalaban.
