Sa mga sandaling nasabi ni Chen Guo ang mga katagang ito ay dalawang beses nang tumalon sa hangin si Lord Grim at nagsimulang magpaputok. Ang kaniyang karakter ay tumilapon sa isang perpektong arko at dumapo sa lugar na kung saan dapat siyang dumapo.
Papaaon ba naakyat ni Su Mucheng ang orasan na tore na ito? Alam ni Chen Guo ang sagot sa katanungang iyan. Matagal-tagal rin niyang pinanood ang palabas na kung saan inakyat ni Su Mucheng ang tore ng orasan noon.
At sa mga sandaling ito ay tumutugma ang bawat galaw ni Lord Grim sa mga galawang ginawa ni Su Mucheng sa mga panahon na iyon. Pero nung si Chen Guo na ang sumubok na gawin ang ginagawa ni Ye Xiu at Su Mucheng noon ay hindi niya nakayanang sundin sila.
Pero ngayon? Dalawang beses na nagtagumpay sa kaniyang pag-akyat si Ye Xiu.
