Christmas Eve.
Kahit na pinalamutian ni Chen Guo ang buong Internet Cafe gamit ang tema ng kasalukuyang selebrasyon, ay ginawa lang niya iyon para makaakit ng mga kustomer. Simple nga lang ang naging hapunan niya, hindi gaya ng mga nakasanayan niyang kainin.
Dinala niya ang kaniyang mangkok sa kaniang kompyuter at inubos iyon doon. Ginawa niya ito dahil kinakailangan pa niyang bilangin ang bilang ng mga Christmas Thieves na mahahatak ni Ye Xiu sa huli.
Nagpatuloy sa pagdami ang bilang ng mga halimaw na nahahatak ni Ye Xiu. Sa bawat bilang na naidaragdag ay mas lalong nagugulantang si Chen Guo. Para bang nanonood siya ng isang palabas na kung saan nasasabik siyang malaman kung ano ang magiging katapusan.
Mga ilang Christmas Thieves kaya ang matitipon niya? Ang sagot sa katanungang iyan ang gustong malaman ni Chen Guo.
Sa kabilang dako naman ay hindi na nagawang manahimik pa ng mga eksperto sa Sin City ng ika-sampung server.
