"Ano ba talaga ang gusto mong gawin?"
Bakas sa boses ni Chen Guo na wala siyang naiintindihan sa balak gawin ni Ye Xiu. Dalawang Christmas Thief na ang hinatak ni Ye Xiu, pero hindi pa niya hinaharap ang dalawang halimaw na iyon.
"Subukan kaya nating bilangin?" Sabi ni Ye Xiu.
"Nahihibang ka na talaga." Pinapanood ni Chen Guo ang ginagawa niya, bakas sa kaniyang pagmumukha ang pagtataka at pag-aalinlangan.
"Bibilangin ko, ah. Ngayon ay dalawa pa ang nahahanap ko." At talagang nagbilang si Ye Xiu, habang si Chen Guo naman ay tahimik na pinapanood lang ang kaniyang ginagawa. Talaga bang hahatakin ng lalakeng ito ang lahat ng mga Christmas Thieves sa buong Sin City?
Gustong-gusto niya ba talagang mamatay?
