Hindi naging madali para sa Tyrannical Ambition na patumbahin ang Fire Witch, dahil walang kahit na sino sa mga nakalaban nilang guilds ang hinayaan sila sa kanilang mga hangarin. Kung hindi dahil sa ibang mga malalaking guilds ay mas mabilis sana nilang napatay ang Fire Witch.
Sa simula ng labanan ay walang kahit na sino sa kanila ang nakakalamang sa isa't-isa. Sa totoo lang ay naging masama nga ang kalagayan ng Tyrannical Ambition sa mga panahong iyon.
Pero nung dumating na ang iba pa nilang mga kasamahan ay kaagad na lumitaw ang tunay na lakas ng Tyrannical Ambition. Si Jiang You at ang mga kasamahan niya ay sagana sa karanasan kaysa sa mga pangkaraniwang manlalaro.
Kahit na parang basura lang sila sa mga mata ni Lord Grim, sila ay mga Diyos na kung ikukumpara sa mga pangkaraniwang manlalaro.
Dahil sa kanilang lima ay naipanalo rin ng Tyrannical Ambition ang lahat pagkatapos ng isang mahaba at mapait na labanan.
