Inakala ng mga miyembro ng mga malalaking guilds na nasa ilalim na ng kanilang mga kamay si Lord Grim at Cleansing Mist, dahil sa napapalibutan na nila sila. Pero sa mga sandaling ito, natanggap ni Ye Xiu ang matagumpay na pagtakas ni Steamed Bun Invasion sa siyudad.
"Tara na..." Pinagsabihan ni Ye Xiu si Su Mucheng.
"Sige, tara na..." Sumagot naman si Su Mucheng, ibinaliktan ng kaniyang Cleansing Mist ang baril na nasa kaniyang mga kamay at gumamit ng Aerial Fire para makalipad papaatras.
Ang Lord Grim naman ni Ye Xiu ay gumamit ng Shadow Clone Technique, at ang tunay niyang katawan ay nasa harapan at hinihintay na lamang ang pagdating niya.
Sa bawat panig umaatake ang kanilang mga kalaban, patuloy na umaalingawngaw ang putok ng mga baril kasama na ang pagbulusok ng mga bala at mahika para maharangan ang kanilang pagtakas sa mga kamay nila.
"Hahaha, kung hindi sana kayo nagsama-sama rito ay hindi sana kayo mahihirapan."
