Sa mga ilang sandali lang ay nawala na sa kanilang mga paningin si Lord Grim.
Pagkatapos makitang walang ginawang kahit na ano si Zhang Xinjie para habulin si Lord Grim ay hindi na rin naghabol si Jiang You at ang mga kasamahan niya. Wala silang ibang nagawa kundi ang lapitan ang Endless Night na hawak-hawak ni Zhang Xinjie.
Kahit na wala namang namatay sa kanilang hanay, hindi nila inaasahan ang mga nangyari. Nung tinamaan ng Sacred Fire si Lord Grim, inakala nilang katapusan na talaga niya.
Napasigaw pa nga sila sa tuwa kung papaano sila nabuhat at natulungan ng kasamahan nilang eksperto. Pero sa huli, ang dalawang patibong na inilatag ni Lord Grim ay nagpabaliktad sa sitwasyon at naging sanhi kung bakit siya nakatakas.
Dahil dito ay kahit na tagumpay nilang napatigil si Lord Grim kanina, sa kanilang mga mata. Siya pa rin ang nagwagi sa labanang iyon.
