Sa labas ng Congee City, sa Hades Village. Sa loob ng isang natuyong balon. Nakatayo si Steamed Bun Invasion sa loob habang maingat na sinusulyapan ang paligid.
Nung una ay hindi naman talaga sinasadyang pumasok rito ni Steamed Bun Invasion, ang dahilan lang kung bakit dito siya nagsuot ay ang balon na ito ang pinakamalapit sa kinaroroonan niya kanina. Hindi nga niya inaakala na ang balong ito ay isang mainam na pagtataguan.
Ang tahimik na purok ay napuno ng aktibidad dahil sa panghihimasok ni Steamed Bun Invasion. Ang mga NPCs ay nagpatuloy pa rin sa kanilang tinatahak na daan, pero ang mga maiingay na yapak ng mga manlalarong naghahabol kay Steamed Bun Invasion ay umalingawngaw sa buong purok, ang kanila ring mga usapan ay paminsan-minsang dumadapo sa tainga ni Steamed Bun.
Kaagad na yumuko si Steamed Bun Invasion at maingat na pinakikinggan ang kanilang pinag-uusapan.
"Nasaan na siya?"
"Paniguradong hindi pa iyon nakakatakbo ng malayo."
