Ang Blue Brook Guild ang unang guild na gumamit sa serbisyong pagtatatag ng record ni Lord Grim. Kaya sila ang guild na unang sumubok na hatakin si Lord Grim. Para sa isang talentong kagaya niya, walang kahit na sinong guild ang papalampasin siya.
Pero ngayon, ang Blue Brook Guild ang guild na nagtamo ng pinakamalaking pinsala dahil sa kagagawan ni Lord Grim. Hindi na importante pa kung papaano sila nagkakilala, para kay Chen Yehui, dapat na lubhang napopoot ang Blue Brook Guild kay Lord Grim.
Mas masama pa nga ang kasalukuyan nilang sitwasyon kaysa sa sitwasyon ng Tyrannical Ambtion. Kaya bakit naman nila tatanggihan ang panukalang ginawa niya?
Ang desididong pag-uugali na ipinakita ng Blue Brook Guild ay nakapagpabagabag kay Chen Yehui, malinaw na ang sagot na ibingay ng Blue Brook Guild ay hindi dahil sa pagmamadali o dahil sa takot. Iyon ay isang desisyong nayari matapos ang masusing pagsisiyasat at maingat na pagtatanto ng mga bagay-bagay.
