Bahagyang magkahawig ang sitwasyon ni Steamed Bun Invasion sa sitwasyon ni Wang Jiexi. Ang kaibahan lang nilang dalawa ay may abilidad na umakma si Wang Jiexi, habang malinaw na tunay na hindi alam ni Steamed Bun Invasion kung paano gawin iyon.
Kahit nga si Ye Xiu ay hindi sigurado sa kung ano ang gagawin niya para mabago si Steamed Bun Invasion. Dahil sa kahit na nagbago si Wang Jiexi, walang nagbago sa kaniyang husay at galing. Pero kung subukan ng ibang mga tao ang ginawa niya ay paniguradong hihina sila.
Ang pagbabago ng istilo ay isang bagay na hindi madaling gawin. Kahit na si Steamed Bun Invasion ay isang baguhan sa Glory, hindi naman blanko ang kaniyang karanasan sa paglalaro. Sa totoo lang ay mayroon rin siyang naiintindihan sa kung ano ang ginagawa niya.
Hindi siya kagaya ni Tang Rou na talagang walang karanasan sa kahit na anong laro. Sayang nga lang na masyadong matigas ang ulo ng babaeng iyon.
