Sa pinakahuling mga sandali ay nagbigay ng Heal ang Lord Grim ni Ye Xiu. Hindi niya nagawang mailigtas ang buhay ni Soft Mist, pero naging sapat ang karagdagang Health na ibinigay niya para tumama ang Rising Dragon Soars the Skies ni Soft Mist kay Cruel Silence.
Sumabog ang mahikang bumubuo sa dragon. Ito ang huling pagkinang ng kaniyang bituin. Napawi na ang kaniyang buhay, pero huling sumibol naman ang lakas ng pinsalang kaniyang inilapat.
Patay na ba siya?
Hindi nangangahas na magsalita ng patapos ang mga manlalaro ng Samsara. Bumagsak na nga ng tuluyan ang buhay ni Soft Mist, pero nakatayo pa rin siya't nananatili sa postura na kung saan inihagis niya ang Rising Dragon Soars the Skies.
Nakaturo pa rin sa itaas ang kaniyang Dancing Fire Flowing Flames.
Para masigurado ang lahat ay nagpakawala ng isang atake si Zhou Zekai.
