Napatawa ang mga propesyonal na manlalaro.
Masasabi mo na isang mayabang na tao si Tang Hao. Hinahamak nga niya't minamaliit ang karamihan sa mga propesyonal na manlalaro, dahil diyan ay papaanong hindi niya hamakin ang isang baguhang propesyonal na manlalaro lamang?
Naging masama ang pakiramdam ni Tang Hao dahil kay Steamed Bun. Siya'y naging parang ang tagapamahala ng Happy na galit na galit matapos makita ang paglalaro ni Steamed Bun.
Kagaya sa inaasahan ng lahat ay walang naging problema para kay Zhou Zekai ang Molotov Cocktail na hinagis ni Steamed Bun. Gayunpaman, dahil wala na silang Cleric ay hindi hinayaang tumama sa kaniya ang Molotov Cocktail dahil sa masyadong mahalaga na ang bawat patak ng kaniyang Health.
Itinaas ni Cloud Piercer ang kaniyang mga baril, at hindi na niya kinailangang magpaputok pa ng dalawang beses. Sa isang putok lang ay sumabog na ang Molotov Cocktail na nasa hangin.
Boom!
