"Pigilan mo! Pigilan mo!"
Paulit-ulit na maririnig ang boses ni Steamed Bun Invasion.
Ang taong ito ay palagiang nadadala sa paglalaro, at isinisigaw niya rin ang pangalan ng kaniyang mga galaw kagaya nung mga karakter sa mga kung-fu na palabas. May mga pa sound effects pa ang kaniyang mga sipa at tadyak.
Ang ganitong uri ng distraksyon ay palagiang pinoproblema ng kaniyang mga nakakalaban sa Arena.Pero sa totoo lang, wala naman talagang epekto ang pagsisisigaw ni Steamed Bun Invasion.
Halimbawa, ngayong kaharap nila ang BOSS na ito, paniguradong hindi maapektuhan ng kaniyang mga sigaw ang kasalukuyang sitwasyon. Pero kahit na ganyan ang katotohanan, nagsisisigaw pa rin siya.
Sina Steamed Bun Invasion at Tang Rou ay sinadyang bigyan ni Ye Xiu ng pagkakataon para makapagpraktis, at hinahayaan silang mapigilan ang Fire Witch. Hindi naman sila nagtatatag ng record, tanging pinapatay lang nila ang BOSS, kaya hindi nila inaalala ang oras.
