Isang pagkakataon!
Isang pagkakataon ang hinahanap ni Fang Minghua kanina pa lamang, pero ang pagkakataong nasa harapan niya sa mga sandaling ito ang pagkakataong naging pinakamalapit sa kaniya simula noong naghanap siya.
Umulan ng mga bala ni Cloud Piercer, nakikita na nga ng mga mata ni Laughing Song ang mga balang dumadaan sa kaniya para tamaan ang kaniyang mga kalaban. Pero hindi aatras ang Happy. Kahit na magtamo pa man sila ng pinsala, kinakailangang mapatay nila si Laughing Song.
Pero sa ilalim ng panunupil ni Cloud Piercer, papaanong magiging madali para sa kanila na saluin na lamang ang mga atake niya?
Reinforced Iron Bones!
Si Steamed Bun na kakapasok pa lamang sa labanan ay naging matalino. Sa mga panahong umatake si Zhou Zekai ay kaagad siyang gumamit ng Reinforced Iron Bones. Sa tulong ng Super Armor ay hindi siya maaapektuhan ng mga balang ipinapadala ni Cloud Piercer sa kaniya.
