Walang naging problema sa ginawang PR ng Blue Brook Guild. At dahil sa nakapagtatag nga sila ng record na hindi humihingi ng tulong kay Lord Grim, wala nang nasabi pa ang mga tumutuligsa sa kanila.
Wala naman talagang dahilan na mapoot sila sa Blue Brook Guild. Ang tanging dahilan lang kung bakit sila nagalit ng ganoon ay dahil sa katarantaduhang ginawa ng Full Moon Guild.
Ang gabi ay dahan-dahang lumalim papunta sa hatinggabi. Dahan-dahan ring lumalakas ang kaba ni Blue River. Mula 12:20 hanggang 12:30, sa loob ng sampung minuto na iyon ay itinigil ni Blue River ang mga gawain niya para titigan ang screen.
Biglang gumawa ng announcement ang system.
Nung makita niya ang salitang "System", nanigas si Blue River.
System Announcement: Please play the game in a healthy manner and take a break once in awhile!
