Fire Bird, Level 75 Elementalist skill. Ang mga NPC na ito ay hindi masyadong malalakas sa labanan, at dahil diyan ay masyadong mababa ang banta ng kanilang mga atake. Pero hindi nagkukulang ang bantang ibinibigay ng Fire Bird sa dalawa.
Isang bola ng apoy ang lumitaw sa ibabaw ng dala-dalang armas ng Elementalist na NPC. Kumalat ang apoy na iyon, at lumipad ito sa kalangitan gamit ang dalawa nitong pakpak. Sa paglipad nito'y sinunog nito ang lahat sa paligid.
Masyadong malapit sila sa ibon. Mahaba ang paghahandang kinakailangan para magamit mo ang Fire Bird, pero ang atake mismo ay mabilis. Sa isang iglap lang ay naging kulay-pula na ang screen ni Zhou Zekai, nilamon rin naman kasi ng nagbabagang apoy si Cloud Piercer.
Hindi nagawang mailagan ni Cloud Piercer ang atake, pero hindi ibig sabihin na wala siyang magagawa tungkol sa atake. Nakita ng lahat na itinaas niya ang kaniyang tuhod bago pa man tumama ang atake sa kaniyang katawan.
