Nakatunganga lamang ang Boundless Sea ni Fang Rui sa lugar na kung saan una siyang lumitaw sa lambak na ito. Ipinapakita niya sa lahat na intensyon niyang tumayo na lamang, at maghintay sa kaniyang kalaban dito.
Kaagad namang nalampasan ng Cloud Piercer ni Zhou Zekai ang sentro ng mapa, at sa mga panahong iyon ay pinagtuonan na niya ng pansin ang kaniyang paligid. Kahit na hindi kayang akyatin ng Qi Master ni Fang Rui ang mga pader ng bangin kagaya ng isang Ninja.
May ilan namang mga apakan sa pader na maaari mong magamit para makaakyat. Hindi lamang tanging isang Ninja ang may abilidad na akyatin ang pader ng mga banging nandirito. Mas madali nga lang para sa mga Ninja na umakyat sa pader kaysa sa ibang mga class.
Patuloy na nilalagpasan ni Cloud Piercer ang pader ng mga banging nasa kaniyang paligid. Kahit na nagsimula na siyang maging maingat ukol sa kaniyang paligid ay hindi naman bumagal ang paggalaaw ni Cloud Piercer.
