Ang dalawa ay nakatayo na para bang mga sirang estatwa sa kalagitnaan ng isang disyerto sa Heavenly Domain. Para bang lalamunin na sila ng mga buhanging dala-dala ng mga malalakas na hangin.
Si Lord Grim!
Dahil wala siyang guild, hindi maaring matunton ang kaniyang pinagmulan. Wala ring mga nakikitang proweba na may kapangyarihang sumusuporta sa kaniya.
Ang mga dungeon records ng ika-sampung server ay napasailalim sa kaniyang pamamahala gamit lamang ang kaniyang husay at galing. Pati nga ang mga guilds ay hindi niya pinalampas.
Sa isang bagong server, ang mga dungeon records ay napakaimportante para sa kaunlaran ng isang guild.
Punong-puno ng mga baguhang manlalaro ang bagong server. Kahit na gaano pa kasikat ang pangalan ng isang guild, sa isang bagong server, sila ay walang pangalan at hindi nakikilala ng mga baguhang manlalaro.
