Ang nanalo ay si Ye Xiu. Hindi kayang matuwa ng mga tagahanga ng Samsara dahil dito kahit na ano pa man ang mangyari. Pero hindi nila magawang sisihin si Sun Xiang.
Talaga nga namang walang kakayahan ang mga ordinaryong manonood na makita ang mga kakaibang naganap sa labanang ito.
Hindi kayang kontrolin ni Sun Xiang ang One Autumn Leaf na nasa rurok ng lakas, at may sugat pa si Sun Xiang dahil sa ginawa niyang pagbago sa kaniyang class. Iyan ang mga salitang binitawan ni Ye Xiu sa chat.
Pero para sa mga ordinaryong manlalaro, hindi nila makita kung papaanong hindi kayang kontrolin ni Sun Xiang ang kaniyang karakter, at hindi nila makit kung nasaan ang kaniyang sugat.
Nakikita lang nila sa bumabagsak na Health ni One Autumn Leaf na dehado talaga si Sun Xiang sa labanan. Pero hindi nagtagal ay gumamit si Sun Xiang ng Dragon Breaks the Ranks para makatakas, at noong nilabanan niya si Ye Xiu kalaunan ay nagawa naman niyang patatagin ang sarili niya sa laban.
