"Ganadong-ganado ka naman yata, ah?" Sabi ni Chen Guo. Pumasok na siya sa silid. Matapos marinig na nag-iingay ng ganito si Fang Rui ay biglang nawala ang pag-aalalang nararamdaman niya para sa kaniya.
"Ang dami niyong nagpunta dito, pero walang kahit na sino sa inyo ang nagdala ng agahan na kakainin ko?" Naiinis na sabi ni Fang Rui.
"Dinalhan kita ng diyaryo." Itinaas ni Chen Guo ang diyaryo para makita ni Fang Rui ang pamagat ng diyaryong nakasulat sa harapan.
Masyadong malalaki ang mga letrang ginamit para isulat ang pamagat, at dahil diyan ay kaagad itong nakita ni Fang Rui. Kuminang ang kaniyang mga mata, pero matapos nito'y nagkunwari siyang wala siyang nakita na para bang ipinapahiwatig niya na: "Naranasan ko na ito noon."
Matapos nito'y nagsalita siya't sinabi: "Tsssk, wala 'yan.".
