Dumeretso ang mga nagbabagang apoy papunta kay Lord Grim.
Ang Fire Wave Slash ang pinakamalakas na atake sa hanay ng mga Wave Slash. Masyadong mabilis rin ito. Sa isang iglap lamang ay narating na nito si Lord Grim. Idagdag pa na ngayon ay piniling tumalon paharap si Lord Grim.
Kapag nagpatuloy siya sa daang kaniyang tinatahak ay paniguradong matatamaan siya ng apoy. Sa mga sandaling ito'y panandaliang kumurap ang pigura ni Lord Grim, at...
Boom!
Tumama!
Napasigaw ang mga manonood. Tumilapon papunta sa basurahan si Lord Grim. Nakapaghiganti na rin sa wakas si Jiang Botao.
Pero nag-alala si Jiang Botao imbis na matuwa.
Tumama? Teka lang, tumama iyon?
Tama, nag-alala at nabigla si Jiang Botao. Nabigla siya dahil sa hindi naman kasi niya inaakalang tatama ang kaniyang atake. Plano lang niyang gamitin ang Fire Wave Slash para pigilan sa pagsugod si Lord Grim.
