"Nanalo tayo! 5-3!!!" Sabik na sabik si Chen Guo. Kahit na hindi pa naman natatapos ang labanan ay may dalawang puntos na kalamangan naman sila bago pa nagsisimula ang Team Competition. Ito ay isang pambihirang resulta, lalong-lalo na ngayong nasa teritoryo sila ng Samsara.
Puspusan ang pag-eensayong isinagawa ng Samsara sa Dripstone Cave na mapa na ito, pero nagawa pa ring manalo ng Happy sa iskor na 5 laban sa 3. Talaga nga namang tama lang na matuwa silang lahat.
Alam ng lahat kung ano ang importansya ng dalawang puntos na kalamangang ito. Ang mga tagahanga ng Samsara ay nanghihinayang, at nalulungkot. Habang ang mga tagahanga naman ng Happy ay nagsisisigaw na ngayon.
Talaga nga namang nakakainis para sa kanila ang naging resulta ng Group Arena sa araw na ito. Tinalo ni Ye Xiu si Zhou Zekai. Nagawang ibalik ni Jiang Botao ang kanilang tuwa, pero naging masama ang pagkatalo ni Lu Boyuan.
